नायिका आचल शर्मालाइ चितवनका एक युवाले लेखे मर्मस्पर्शी पत्र

मनोरञ्जन

Home
मनोरञ्जन
नायिका आचल शर्मालाइ चितवनका एक युवाले लेखे मर्मस्पर्शी पत्र

नायिका आचल शर्मालाइ चितवनका एक युवाले लेखे मर्मस्पर्शी पत्र

मंगलबार, चैत्र ४, २०७६ बुलबुल खबर

प्रिय नायिका आचल शर्मा,

तिम्रो ब्यक्तिगत जिबनमा बोल्ने मलाइ खासै चाहना थिएन तर पनि सामाजिक सन्जालमा तिम्रो बिहे र तिमिले लगायका कपडा अनि गहनाहरुको चौतर्फी चर्चा चल्दै गर्दा म पनि चुप बस्नै सकिन ।
केही दिन अगाडि मात्रै हो आफ्नो दोस्रो बिबाह जन्ति र बाजागाजाका साथ आएका कन्या केटासङ सम्पन्न गरेकी नायिका प्रीयङ्का कार्किको बारेमा धेरै महिलाहरुले तारिफ गरेका थिए ताकी अब महिलाहरु पनि पुरुष सरहको अबस्थामा उभिए र त्यसको प्रतिनिधित्व प्रीयङ्काले गरिन ,यसले राम्रो सन्देश प्रबाह भएको मैले अनुभव गरेको छु । तिमिले पनि पहिलो श्रीमतिसङ सम्बन्ध तोडेका उदिपसँग बिहे गर्दैगर्दा हाम्रो कुनै किसिमको टिकाटिप्पणी छैन ।
हामी त गाउका मान्छे, हामिलाइ थाह छ तिमी जस्तै चलचित्रमा अभिनय गर्ने कलाकारहरुलाइ धेरै सम्मान गर्छन यहाका मान्छेहरुले । तिम्रै तस्बिरले भरिएका धेरै माटोका भित्ताहरु अझै पनि रङ्गिएका छन गाउहरुमा, अनि धेरै डायरिका पानाहरुमा तिम्रो तस्बिर सजाएर एउटा मिठो सपना देख्ने युवा युवतिहरु अझै पनि छन । तिमिले पहिलो चोटि डेब्यु गरेको चलचित्र नाइ नभन्नु ल ४ देखि पछिल्लो समय जति पनि चलचित्रहरु आए एक गाँस कटाएर घरको चामल ,मकै जे जे छन बेचेर तिम्रो चलचित्र हेर्न जानेको सङ्ख्यामा रतिभर कमि आएको छैन । तिम्रै नक्कल गर्ने कति युवतिहरु आज पनि राम्रो चोली र लुङ्गी लगाउन पाएका छैनन । टालेको फाटेकै लगाएरै ढिडो पिठो खाएरै कुन हिरोईन मन पर्छ ? भन्ने प्रश्नमा आचल शर्मा भन्नेको सङ्ख्यामा थोरै पनि कमि देख्दिन म । तिमिलाइ मन पराउने र तिम्रो प्रशंसा गर्नेहरु अझ भन्यौ हिजोकी सामान्य आचल शर्मालाइ आज यो अबस्थामा ल्याउने सामान्य भन्दा सामान्य जिबनस्थरमा जिउनेहरु नै छन । धेरै युवायुवतीहरुले तिमिलाइ प्रेरणाको श्रोत सम्झिन्छन ,तिम्रै सपना देख्छन ,तिम्रै नक्कल गर्छन । तिम्रो बिबाहको चर्चा चल्दै गर्दा धेरै तिम्रा फ्यानहरु खुशी नै थिए । कसरी बिबाह गर्छिन होला, कस्तो हुन्छ होला आचल शर्माको बिहे भन्दै तिमिले लजाउदै घुम्टो ओढेको तस्बिर हेर्न घण्टा दिन र हप्ता गन्ने धेरै थिए तिम्रा दर्सकहरु ।
जब एकाएक तिम्रो बिहे भन्दा पनि पहिले १६ लाखको लेहङ्गा, ६० लाखको गहना, लाखौको हेलिकप्टर चार्टर अनि करोडौंको पार्टी सामाजिक सन्जालमा भाइरल भयो तब धेरै तिमिलाइ माया गर्ने मनहरु कुडिएका छन हिजो २ किलो चामल बेचेर तिम्रो फिल्म हेर्न हल सम्म पुग्ने तल्लाघरे बिस्ने दाइको नजरमा तिमिलाइ हेर्ने दृष्टिकोण परिबर्तन भएका छन। राम्रो कुर्तासुरुवाल किन्न जम्मा गरेको पैसा कुर्तासुरुवाल नकिने तिम्रो फिल्म हेर्न जाने माइली काइलीले तिम्रो १६ लाखको लेहङ्गा सुनेर टालेको पुरानै कपडा लाउन बाध्य भएकोमा पछुताएका छन ।अनि बस चड्ने पैसा नभएर ३/४ घण्टा हिडेरै हलसम्म पुगेर तिम्रो चलचित्र हेर्ने त्यिनै हर्के, बले, स्यामे र कालेहरु तिम्रो हेलिकप्टर चार्टरको खर्च सुनेर नमिठो मान्दैछन ।
प्रिय आचल केही खर्च जोगाउदै गरिबको झुपडिहरुमा पुग्न तिम्रा खुट्टाहरु किन जुरमुराएनन ?
आज पनि भोका ,नाङ्गा , तिमिलाइ माया गर्ने धेरै त्यस्ता मनहरु छन त्यि बस्तिमा पुग्न तिम्रो मन किन मानेनन ? ल ठिक छ यि ठाउहरुमा तिम्रो मन गएन तर तिमिले बिहे गरेर आएको गृहजिल्लामा जनस्थरबाट खाइनखाइ बिचरा तिमीले जस्तै दर्सकको माया बटुलेका सच्चा नेपालका छोराछोरी सिताराम कट्टेल (धुर्मुस) र कुन्जना घिमिरे (सुन्तली) को अगुवाइमा बन्दै गरेको धुर्मुस सुन्तली फाउन्डेसन द्वारा निर्मित अन्तरास्ट्रिय क्रीकेट रंगशाला निर्माण हुदैछ त्यता तिर त तिम्रो मन जानू पर्ने थियो बिडमबना गएन ।
धेरै भन्नू छैन यति मात्र भने तिमिलाइ , जे ठिक लाग्यो त्यही गरेउ तर पनि तिमिलाइ तिम्रो दामपत्य जिबनको धेरै धेरै शुभकामना छ ।

-गोपाल बिश्वकर्मा

प्रकाशित मिति: मंगलबार, चैत्र ४, २०७६, ०९:१३:००