प्रधानमन्त्रीले खोले टिकटक एकाउन्ट, तत्काल भेरिफाइड

राजनीति

Home
राजनीति
प्रधानमन्त्रीले खोले टिकटक एकाउन्ट, तत्काल भेरिफाइड

प्रधानमन्त्रीले खोले टिकटक एकाउन्ट, तत्काल भेरिफाइड

सोमवार, मंसिर १५, २०७७ बुलबुल खबर

काठमण्डौ । प्रधानमन्त्री केपी शर्मा ओलीले टिकटक अकाउन्ट सञ्चालनमा ल्याएका छन्। प्रधानमन्त्रीको सचिवालयका अनुसार ह्याण्डल सञ्चालनमा आएको हो।
'प्रधानमन्त्री पहिलादेखि नै फेसबुक र ट्विटरमा हुनुहुन्छ', प्रधानमन्त्रीको सचिवालयका एक सदस्यले भने, 'उहाँका धारणाहरू लोकप्रिय बनेको टिकटकबाट पनि जनतामा पुर्‍याउन खोजेका हौं।'

टिकटकले प्रधानमन्त्रीको अकाउन्ट भेरिफाइ गरिसकेको छ। प्रधानमन्त्रीको पहिलो भिडिओमा एक लाख भ्युज कटेको छ।

नयाँ पुस्तामाझ टिकटक चर्चित छ। प्रधानमन्त्रीको सचिवालयका एक सदस्यले छलफल गरेर नै सञ्चालनमा ल्याइएको बताए।

'अकाउन्ट खोलेका थियौं, टिकटकले हामीलाई प्रधानमन्त्रीको आधिकारिक हो होइन भनेर सोध्यो', ती सदस्यले भने, 'हामीले आधिकारिक अकाउन्ट भएको बताएपछि भेरिफाइड भयो।'

प्रकाशित मिति: सोमवार, मंसिर १५, २०७७, ०२:१६:००