मनहरीमा इन्द्र बानियाँले भने : संसद पुनःस्थापना हुनुपर्छ

राजनीति

Home
राजनीति
मनहरीमा इन्द्र बानियाँले भने : संसद पुनःस्थापना हुनुपर्छ

मनहरीमा इन्द्र बानियाँले भने : संसद पुनःस्थापना हुनुपर्छ

शनिवार, पुष २५, २०७७ बुलबुल खबर

मनहरी । बागमती प्रदेशका प्रमुख प्रतिपक्षी दलका नेता तथा नेपाली कांग्रेस मकवानपुरका सभापति इन्द्र बानियाँले संसद पुनःस्थापना हुनैपर्ने बताएका छन । नेपाली कांग्रेसको देशव्यापी कार्यक्रम अनुसार मकवानपुरको मनहरीमा आयोजित बिरोध सभामा बोल्दै उनले प्रधानमन्त्री केपी ओलीको कदम असंवैधानिक रहेको जिकिर गरे । तर संसद पुनःस्थापना को बिषय अदालतमा विचाराधीन रहेकाले स्वतन्त्र अदालतलाई दबाब पुग्ने किसिमले काँग्रेस अघि नबढ्ने उनले बताए ।
उनले बैशाखमा गर्ने भनिएको निर्वाचनमा काँग्रेस सहभागी हुन तयार रहेकोसमेत बताए । संसद पुनःस्थापना नभई प्रधानमन्त्री ले घोषणा गरेअनुसार निर्वाचन भएमा कांग्रेस तयार रहेको उनको भनाई छ । उनले कुनै हालतमा निर्वाचन हुनैपर्ने र निर्वाचन गराउन नसकेमा स्वत: संसद पुनःस्थापना गराइनुपर्ने माग गरे ।
फरक प्रसंगमा उनले कम्युनिष्ट बोली एउटा व्यवहार अर्को गर्ने पार्टी भएको आरोप लगाए । नेपाली कांग्रेसले जनतालाई झुटो भ्रम र आश्वासन नदिने उनको दाबी छ । काँग्रेस जनताको शिक्षा, स्वास्थ्य र रोजगारको सन्दर्भमा सधैं गम्भीर रहेको उनको भनाइ छ । मनहरीमा आयोजित सभामा नेपाली कांग्रेसका जिल्लास्तरीय नेताहरुले सम्बोधन गरेका थिए । कार्यक्रममा दर्जनौ युवाहरु बिभिन्न पार्टी त्यागेर नेपाली कांग्रेस प्रवेस गरेका थिए ।

प्रकाशित मिति: शनिवार, पुष २५, २०७७, ०७:२३:००