प्रचण्डको सुरक्षाको जिम्मा मकवानपुरका 'प्रलोक' को टिमलाई

राजनीति

Home
राजनीति
प्रचण्डको सुरक्षाको जिम्मा मकवानपुरका 'प्रलोक' को टिमलाई

प्रचण्डको सुरक्षाको जिम्मा मकवानपुरका 'प्रलोक' को टिमलाई

बिहिवार, फाल्गुन ६, २०७७ बुलबुल खबर

काठमाडौं । सरकारले भीआइपीहरुको सुरक्षामा खटिएका सशस्त्र प्रहरीको संख्या कटौती गरेपछि पुर्व प्रधानमन्त्री तथा नेकपाका अध्यक्ष प्रचण्डको सुरक्षामा पूर्व लडाकूको टिम खटीएको छ ।
सुरक्षाकर्मी कटौती भएकै दिनदेखि माओवादी जनमुक्ति सेनाका पूर्व बटालियन कमाण्डर प्रकाश पाण्डे 'प्रलोक' को कमाण्डमा तालिमप्राप्त टिम प्रचण्डको सुरक्षामा खटिएका हुन । सेना समायोजन भएपछि स्वेच्छिक अवकाश रोजेका प्रलोक हाल नेकपा मकवानपुरका जिल्ला सचिवालय सदस्य छन । मकवानपुरको हेटौडा ११ घर भएका उनी तत्कालीन वाइसीयलको केन्द्रिय सचिव थिए ।
माओवादी शान्ति प्रक्रियामा आएपछि सेना समायोजन नभएसम्म तत्कालीन डिभिजन कमाण्डर युवराज दुलालको नेतृत्वमा पूर्व जनमुक्ति सेनाले हतियार सहित प्रचण्डको सुरक्षा गरेको थियो । प्रलोक सोहि टिममा रहेर लामो प्रचण्डको सुरक्षामा खटिएका थिए । अहिले राष्टिय युवा संघको समन्वयमा प्रचण्डको सुरक्षामा तालिम प्राप्त पुर्व लडाकुहरु खटिएका हुन । सो टिमले हतियार बोकेका प्रहरीलाई सघाउने, भीडमा सुरक्षा दिने र सूचना दिने काम गर्नेछन् । टिममा १० देखि १५ जना तालिमप्राप्त र मार्शल आर्ट सिकेका पूर्व लडाकू सुरक्षामा खटिएको बताइएको छ ।

प्रकाशित मिति: बिहिवार, फाल्गुन ६, २०७७, ०८:२३:००