बलात्कार पछि हत्या गरिएकी रुबिनाको परिवारलाई पाख्रिन समाज चितवनको नगद सहयोग

समाज

Home
समाज
बलात्कार पछि हत्या गरिएकी रुबिनाको परिवारलाई पाख्रिन समाज चितवनको नगद सहयोग

बलात्कार पछि हत्या गरिएकी रुबिनाको परिवारलाई पाख्रिन समाज चितवनको नगद सहयोग

आइतवार, मंसिर २१, २०७७ बुलबुल खबर

मकवानपुर । मकवानपुरको बागमती गाउँपालिका वडा नं ७ मा बलात्कार पछि हत्या गरिएकी ३ बर्षीय रुबिना पाख्रिन को परिवारलाई नगद सहयोग गरिएको छ । पाख्रिन समाज चितवनको टोली पाख्रिनको घरमै पुगेर नगद ५० हजार रुबिनाको परिवारलाई हस्तान्तरण गरेका हुन । समाजका केन्द्रीय सदस्य शम्भु पाख्रिन, अध्यक्ष ग्यान बहादुर पाख्रिन, नेपाल तामाङ घेदुङ चितवनकी उपाध्यक्ष पवित्रा लामालगायत पदाधिकारी तथा सदस्यहरुको टोली शनिबार रुबिनाको घरमै पुगेका थिए । टोलीले एक कार्यक्रमका बीच बागमती गाउँपालिका ७ का अध्यक्ष र पत्रकार हरुको रोहबरमा रुबिनाका बुवा र आमालाई नगद हस्तान्तरण गरे । सो क्रममा वडा अध्यक्ष डिल्ली प्रसाद घोरासैनीले घटनाको जानकारी गराउदै आफु न्यायको लागि लाडिरहेको बताउनुभयो । उहाँले पहिलोपटक यस्तो घटना घटेको र दोहोरिन नदिन जनचेतना जगाउने कामहरु भइरहेकाे बताउनुभयो ।

पाख्रिन समाजका केन्द्रीय सदस्य शम्भु पाख्रिन ले कुनै पनि हालतमा दोषीलाई छुट दिन नहुने बताउनुभयो । उहाँले बलात्करीलाई फाँसीको सजाय ल्याउन राज्यले ढिला गर्न नहुने तर्क राख्नुभयो । घेदुङकी उपाध्यक्ष पवित्रा लामाले कलिला बालिका हरु हिंसाको जोखिममा रहने भएकाले अभिभावकले ध्यान दिनुपर्ने बताउनुभयो । गाउँपालिका अध्यक्ष सर्केस घलानले स्थानीय सरकार यस्तो अपराध निरुत्साहित गर्न प्रतिबद्ध रहेको बताउनुभयो । पिडित परिवारलाई गाउँपालिका ले नगद ५० हजार सहयोग गरिसकेको उहाँले बताउनुभयो ।

‌पाख्रिन समाजका अध्यक्ष ग्यान बहादुर पाख्रिन ले यस्तो घटना सहन नसकिने बताउँदै न्याय र पिडितको पक्षमा एकजुट भएर लड्ने बताउनुभयो । पिडित परिवारलाई राज्यले सहयोग गर्नुपर्ने उहाँले माग गर्नुभयो । सो क्रममा नेपाल रेडक्रस सोसाइटी उपशाखा फापरबारीले पनि नगद ५ हजार पिडित परिवारलाई सहयोग गरेका छन् ।

गत मंसिर ५ गते छिमेकीको पुजामा गएकी बालिकालाई गाउकै १४ वर्षीय किशोरले बलात्कार गरि हत्या गरेका थिए । ती किशोर प्रहरिको नियन्त्रणमा रहेको र नबालक भएकाले सुधार गृहमा राख्ने तयारी भइरहेको जिल्ला प्रहरी कार्यालय मकवानपुरले जनाएको छ । ९ कक्षामा अध्ययनरत ती किशोरीले अत्यधिक मादकपदार्थ सेवन गर्ने गरेको प्रहरीले जनाएको छ ।

प्रकाशित मिति: आइतवार, मंसिर २१, २०७७, १०:१४:००