गाँउपालिकासँग समन्वय नै नगरि गाँजा फाड्न गाँउ पस्यो प्रहरी, कोरोना फैलिए को जिम्मेवार ?

समाज

Home
समाज
गाँउपालिकासँग समन्वय नै नगरि गाँजा फाड्न गाँउ पस्यो प्रहरी, कोरोना फैलिए को जिम्मेवार ?

गाँउपालिकासँग समन्वय नै नगरि गाँजा फाड्न गाँउ पस्यो प्रहरी, कोरोना फैलिए को जिम्मेवार ?

आइतवार, मंसिर २१, २०७७ ज्ञानेन्द्र तामाङ

गाँजा फाँड्दै प्रहरी (फाइल फोटो) र गाउपालिकाको बिग्यप्ती (इन्सेट)

राक्सिराङ्ग । पश्चिम मकवानपुरको राक्सिराङ्ग गाउँपालिकामा अवैध लागुऔषध भनिने गाँजा खेती नष्ट गर्नका लागि प्रहरी पारिचालित भएको छ । गाउँपालिकाको विभिन्न वडामा लगाइएको गाँजा खेती नष्ट गर्नका लागि ४०/५० जनाको संख्यामा नेपाल प्रहरी तथा सशस्त्र प्रहरी खटाइएको हो । प्रहरीले गाँउगाँउमा पुगेर गाँजा खेती नष्ट गर्ने काम सुरु गरिसकेको प्रहरी चौकी चैनपुरले जानकारी दिए ।

समन्वय नगरिएकोमा गाउँपालिकाको आपत्ति
राक्सिराङ्ग गाँउपालिकाले प्रहरीले कुनै समन्वय तथा जानकारी बिना नै गाँजा खेती नष्ट गर्न भन्दै गाँउगाँउ पुगेकोमा आपत्ति जनाएको छ । आइतबार बिज्ञप्ति नै जारी गरि गाउँपालिकाले प्रहरीको कार्यशैलीको बिरोध गरेका छन । बिज्ञप्तिमा कोभिड १९ ले सबैतिर आक्रान्त पारेको बेला स्वास्थ्य सुरक्षाको कुनैपनि मापदण्ड पुरा नगरि गाउँगाउँमा प्रहरीको डफ्फा परिचालन गरिनु जोखिमपुर्ण भएको बताएका छन । यसबाट ग्रामीण क्षेत्रमा कोरोना फैलिए त्यसको जिम्मेवार सम्बन्धित निकायले नै लिनुपर्ने बिज्ञप्तिमा उल्लेख छ । बिज्ञप्तिमा संविधानको धारा २३२ मा संघ प्रदेश तथा स्थानीय सरकारबीच सहकारिता, सहअस्तित्व र समन्वयको सिद्धान्तको आधारमा सम्बन्ध स्थापित हुने ब्यवस्था उल्लेख भएपनि संविधानको मर्म र संघीयताको भावनाविपरित काम भएको आरोप लगाइएको छ । गाँउपालिका आफ्ना नागारिकको स्वास्थ्य सुरक्षाको सन्दर्भमा संवेदनशील रहेको बताउँदै प्रहरीबाट जनमानसमा त्रास फैलाउने काम भएको बिज्ञप्तिमा उल्लेख छ ।

प्रहरी कहाँबाट आयो थाहा छैन, संक्रमण फैलिए जिम्मेवार लिन सक्दैनौ : अध्यक्ष मल्ल
गाउँपालिकाका अध्यक्ष मल्लले आफुलाई प्रहरी कहाँबाट आएको भन्नेसमेत जानकारी नभएको बताउनुभयो । 'प्रहरी कहाँबाट आएको हो केहि थाहा छैन, डिआइजी लेभलबाट आएको भन्ने अपुष्ट कुरा सुन्छुछु' - उहाँले भन्नुभयो - ' गाँजा नफाँड्नु भनेको हैन तर गाउपालिकामा समन्वय किन गरेन ?'
उहाँले गाँजा फाँड्न गाउपालिकाले सहयोग गर्न तयार रहेकोसमेत बताउनुभयो । 'यो ठाँउमा गाँजा छ, यसरी फाड्नुस भनेर हामी नै देखाउथ्यौँ, वा गाउँलेलाई नै फाल्न लगाउँथ्यौ' - उहाले भन्नभयो -'यहाँ गाउँपालिकासँग समन्वय नै गरिएन, संविधानबिपरितको काम भयो ।' उहाँले विभिन्न ठाँउबाट प्रहरी आउँदा गाउँगाउँमा कोरोना संक्रमण हुन सक्ने बताउनुभयो । 'चेपागं गाउमा गएर पानी खाने, भात खाने गर्लान, भोली कोरोना फैलियो भने जिम्मा कसले लिने ? हामी स्थानी तहले लिन सक्दैनौ, कि हामीसँग सोध्नपर्यो' - उहाँले भन्नुभयो ।
इलाका प्रहरी कार्यालय मनहरीका प्रमुख बिनोद श्रेष्ठले भने अवैध लागुऔषध गाँजा खेती नष्ट गर्ने प्रहरीको नियमित अभियान नै रहेको बताउनुभयो । राक्सिराङ्गसहित कैलाश र मनहरी गाँउपालिकाका विभिन्न क्षेत्रमा लगाइएको गाँजा खेती नष्ट गरिने उहाँको भनाई छ । गाँजालाई नेपालको कानुनले अवैध लागुऔषध मानेको छ भने यसको खेती गर्न तथा ओसारपसार वा कारोबार गर्न प्रतिबन्धित छ । तर मकवानपुर, चितवन, धादिङ्ग, बारा, पर्सा, रौतहट लगायत जिल्लामा गाँजा खेती रोकिएको छैन । गाँजा खेतीलाई बैधानिकता दिनुपर्ने पछिल्लो समय आवाजसमेत उठ्न थालेको छ । हालैमात्र संयुक्त राष्टसंघमा समेत गाँजालाई लागुऔषधबाट हटाई औषधिजन्य पदार्थको रुपमा दर्ता गर्न बाटो खुलिसकेको छ ।