राक्सिराङका वडा अध्यक्ष प्रहरी नियन्त्रणमा, प्रहरीले लुटपाट गरेको भन्दै स्थानीयको विरोध

समाज

Home
समाज
राक्सिराङका वडा अध्यक्ष प्रहरी नियन्त्रणमा, प्रहरीले लुटपाट गरेको भन्दै स्थानीयको विरोध

राक्सिराङका वडा अध्यक्ष प्रहरी नियन्त्रणमा, प्रहरीले लुटपाट गरेको भन्दै स्थानीयको विरोध

आइतवार, फाल्गुन ९, २०७७ बुलबुल खबर

मनहरी । राक्सिराङ गाउपालिकाका वडा नं १ का अध्यक्ष कान्छा राम रुम्बालाई प्रहरीले नियन्त्रणमा लिएको छ । शनिवार राती राक्सिराङ १ घ्याङसिङटारबाट नियन्त्रणमा लिएका रुम्बालाई जिल्ला प्रहरी कार्यालय मकवानपुरमा राखिएको छ । शनिबार राति ९ बजेतिर राक्सिराङ १ पुगेका प्रहरी टोलीसँग विवाद भएपछि वडा अध्यक्ष लाई नियन्त्रणमा लिएको बताइएको छ । गाँजा बरामद र नष्ट गर्न भन्दै गाउँ पुगेको प्रहरी टोलीसँग स्थानीय को विवाद भएको थियो ।

स्थानीयले प्रहरीले गाउमा पसेर आतंकित बनाउने गरि क्रियाकलाप गरेको आरोप लगाएका छन । गाँजा अपरेसन मा आएको भनिएका प्रहरिले गाउको पसलबाट बियर, डिउका कार्टुन र नगदसमेत लुटपाट गरेको स्थानीयको आरोप छ । त्यसपछि स्थानीयले प्रतिकार गरेपछि विवाद भएको हो । जिल्ला प्रहरी कार्यालय बाट गएको टोलीसँग विवाद बढेपछि थप प्रहरी फोर्स बोलाइएको थियो । इलाका प्रहरी कार्यालय मनहरीका प्रहरी निरिक्षक बिनोद श्रेष्ठ को कमान्डमा थप प्रहरी पुगेपछि स्थानीयलाई धरपकड गर्दै वडा अध्यक्ष रुम्बालाई नियन्त्रणमा लिएर प्रहरी फर्किएको थियो । स्थानीयले भने प्रहरीसँगै अन्य व्यक्तिहरू पनि लुटपाट मा संलग्न रहेको आरोप लगाएका छन् ।

प्रहरीले भने गाजा नष्ट गर्न प्रहरी टोली गाउ पुगेको दाबी गरेको छ । ठुलो परिमाणमा गाँजा नष्ट गरेर फर्किने क्रममा स्थानीय ले अवरोध गरेको र सामन्य विवाद भएपछि वडा अध्यक्षलाई सोधपुछका लागि नियन्त्रणमा लिइएको जनाएको छ। प्रहरिबाट केहि गल्ती भएको भए छानविन गरि कारवाही गरिने प्रहरिको दाबी छ ।

राक्सिराङ गाउपालिका अध्यक्ष राजकुमार मल्लले प्रहरिले ज्यादति गरेको भन्दै विरोध गरेका छन् । घटनालाई गम्भिर रुपमा लिइएको बताउदै उनले तत्काल वडा अध्यक्ष रुम्बाको रिहाइ हुनुपर्ने र दोषी प्रहरिमाथी कारबाही हुनुपर्ने माग गरेका छन ।

प्रकाशित मिति: आइतवार, फाल्गुन ९, २०७७, १०:४१:००