दुर्घटनामा ज्यान गुमाएका दाजुभाईको स्मृतिमा रक्तदान

चितवन आसपास

Home
चितवन आसपास
दुर्घटनामा ज्यान गुमाएका दाजुभाईको स्मृतिमा रक्तदान

दुर्घटनामा ज्यान गुमाएका दाजुभाईको स्मृतिमा रक्तदान

बिहिवार, मंसिर १८, २०७७ बुलबुल खबर

राप्ती । केहि दिनअघि राप्ती नगरपालिकाको हर्दिमा सडक दुर्घटनामा ज्यान गुमाएका दाजुभाई नवराज दनै र सचिन दनैको स्मृतिमा रक्तदान कार्यक्रम गरिने भएको छ । भण्डारा बजार युवा समाज र जेपी युवा क्लबको आयोजनामा शुक्रबार बिहान खुल्रला रक्तदान कार्यक्रम आयोजना गरिएको हो । भण्डाराको तरकारी मन्डी परिसरमा हुने कार्यक्रममा नेपाल रेडक्रस सोसाइटी भण्डारा उपशाखाको विशेष सहयोग रहेको छ । दुर्घटनामा आफ्ना साथीहरुको ज्यान बचाउन नसकेपनि अकालमा रगत नपाएर अरु कसैले ज्यान गुमाउन नपरोस भन्ने उद्देश्यले रक्तदान आयोजना गरिएको जेपी क्लबका अध्यक्ष अबिप कँडेलले बताउनुभयो ।

केहि दिन अघि राप्ती नगरपालिका वडा नं ५ का नवराज र सचिन सवार मोटरसाइकल भारतीय ग्यास बुलेट सँग ठोक्किएको थियो । उनीहरु दुवैजनाको घटनास्थलमै मृत्यु भएको थियो । दनै दाजुभाई को सम्झनामा राप्तीका बिभिन्न संघसंस्थाले शोकसभा लगायत कार्यक्रमहरु गर्दै आएको छ ।

प्रकाशित मिति: बिहिवार, मंसिर १८, २०७७, ०४:२३:००