परेवाश्वरी समुदायिक वनको चुनाब आज, अध्यक्षमा ३ जना भीड्दै

चितवन आसपास

Home
चितवन आसपास
परेवाश्वरी समुदायिक वनको चुनाब आज, अध्यक्षमा ३ जना भीड्दै

परेवाश्वरी समुदायिक वनको चुनाब आज, अध्यक्षमा ३ जना भीड्दै

शनिवार, पुष २५, २०७७ बुलबुल खबर

भण्डारा, चितवन । राप्ती नगरपालिका वडा नं १ को परेवाश्वरी सामुदायिक वनको नयाँ नेतृत्वका लागि आज शनिबार निर्वाचन हुदैछ । झन्डै १ बर्षदेखि अध्यक्ष बिहिन रहेको वनको नेतृत्व का लागी अहिले ३ जनाले दाबी गरेका छन । अध्यक्ष सहित पदाधिकारीका लागि हुने निर्वाचनमा नेकपा र नेपाली काँग्रेसले छुट्टाछुट्टै प्यानल बनाएर प्रतिस्पर्धा गर्दैछ ।
नेकपा प्यानलबाट हरि ओझा अध्यक्ष का उमेद्वार छन । उनको प्यानलमा उपाध्यक्ष मा पार्वती ठकुरी, सचिवमा सृष्टि चेपाङ, कोषाध्यक्षमा मनोज शर्मा, सहसचिवमा बिष्णु बहादुर राई र लेखा संयोजकमा दिपक खड्काको उमेद्वारी छ । नेपाली काँग्रेस प्यानलबाट अध्यक्ष मा सिंह बहादुर तामाङ, उपाध्यक्ष मा प्रेम बहादुर खुलाल, सचिवमा कुमारी स्याङतान, कोषाध्यक्षमा प्रेम बहादुर थापा, सहसचिवमा हरिशरण सेढाईं र लेखा संयोजक मा यम बहादुर पाठकको उमेदवारी छ । अध्यक्ष का लागि एकजना स्वतन्त्र उमेद्वारी परेको छ । अघिल्लो निर्वाचनमा नेकपाको समर्थनमा अध्यक्ष निर्वाचित भएका डम्बर बहादुर ढुंगानाले स्वतन्त्र उमेद्वारी दिएका छन । उनीसहित उपाध्यक्ष मा राजकुमार कँडेल, कोषाध्यक्षमा गुणराज सापकोटा र लेखा संयोजकमा नविन पराजुलीको उमेदवारी छ । निर्वाचनमा वनका १४ सय सदस्य हरुले मतदान गर्ने निर्वाचन प्रमुख हरि प्रसाद उप्रेतीले जानकारी दिनुभयो ।
निवर्तमान अध्यक्ष ढुङ्गानाको कार्यकालमा वनमा अनियमितता भएको आरोपमा अध्यक्ष सहित पदाधिकारी तथा कर्मचारीले मुद्दा खेपेका थिए । अध्यक्ष सहित समिति विरुद्ध नै मुद्दा चलेपछि झन्डै एक बर्ष देखि वन नेतृत्व बिहिन बनेको थियो । सो अवधिमा सानोबाबु बर्तौलाको नेतृत्वमा वनको संरक्षण समिति निर्माण गरि जिम्मेवारी दिइएको थियो । सो वन पुर्वी चितवनमै ठुलो क्षेत्रफलमा फैलिएको सामुदायिक वन हो ।

प्रकाशित मिति: शनिवार, पुष २५, २०७७, ०९:२६:००